dhup mein hum hain kabhi hum chhanw mein

dhuup meñ ham haiñ kabhī ham chhāñv meñ

rāste uljhe hue haiñ paañv meñ

bastiyoñ meñ ham bhī rahte haiñ magar

jaise āvāra havā sahrāoñ meñ

ham ne apnāyā daraḳhtoñ kā chalan

ḳhud kabhī baiThe na apnī chhāñv meñ

kis qadar nādān haiñ ahl-e-jahāñ

ham gine jaane lage dānāoñ meñ

sāmne kuchh der lahrāte rahe

phir vo sāhil bah ga.e dariyāoñ meñ

ik yahī duniyā badaltī hai 'faroġh'

kaisī kaisī ajnabī duniyāoñ meñ

dhup mein hum hain kabhi hum chhanw mein

raste uljhe hue hain panw mein

bastiyon mein hum bhi rahte hain magar

jaise aawara hawa sahraon mein

hum ne apnaya daraKHton ka chalan

KHud kabhi baiThe na apni chhanw mein

kis qadar nadan hain ahl-e-jahan

hum gine jaane lage danaon mein

samne kuchh der lahraate rahe

phir wo sahil bah gae dariyaon mein

ek yahi duniya badalti hai 'farogh'

kaisi kaisi ajnabi duniyaon mein