did-e-duniya habab ki si hai

dīd-e-duniyā habāb kī sī hai

us kī ta.abīr ḳhvāb kī sī hai

sāqiyā mai kahāñ hai shīshe meñ

raushnī āftāb kī sī hai

pairahan meñ numūd tan se tire

halkī ek tah shahāb kī sī hai

kis kā vasf dahan kiyā thā ki aaj

muñh meñ ḳhushbū gulāb kī sī hai

hālat ab dil kī hijr meñ 'mārūf'

ek shahr-e-ḳharāb kī sī hai

did-e-duniya habab ki si hai

us ki tabir KHwab ki si hai

saqiya mai kahan hai shishe mein

raushni aaftab ki si hai

pairahan mein numud tan se tere

halki ek tah shahab ki si hai

kis ka wasf dahan kiya tha ki aaj

munh mein KHushbu gulab ki si hai

haalat ab dil ki hijr mein 'maruf'

ek shahr-e-KHarab ki si hai