dīd-e-gulzār-e-jahāñ kyuuñ na kareñ sair to hai
ek din jānte haiñ ḳhātma-bilḳhair to hai
'rind' vaa.iz se abas karte ho shar ḳhair to hai
donoñ ghar ek haiñ ka.aba na sahī dair to hai
ḳhosha-chīñ bantā hai kyuuñ mazra-e-har-dahqāñ kā
vasf-e-insān nahīñ ye sifat-e-tair to hai
na basar hovegī be-nashsha qadah-ḳhvāroñ kī
ho agar mai kī munādī hai falak sair to hai
āshnā bahr-e-mohabbat ke shanāvar haiñ sab
tū bhī us aag ke dariyā ko agar pair to hai
rind-o-vā.iz ke bakheḌoñ meñ bhalā kaun paḌe
sab ko ma.alūm hai in donoñ meñ ik bair to hai
murġh-e-dil mardum-e-bīmār pe sadqa kar Daal
vāste sehhat-e-jāñ ke amal-e-tair to hai
jaise uḌtī sī sunī hai ḳhabar-e-qatl-e-safīr
pūchhtā phirtā huuñ ik ek se kyuuñ ḳhair to hai
sāqiyā chand ghaḌe mai ke qadah-ḳhvāroñ meñ
sarf lillāh agar hoñ amal-e-ḳhair to hai
dar-guzar hotā hai aur hogā ba-qadr-e-imkāñ
āḳhir-e-kār ye pā-posh-o-sar-e-ġhair to hai
kah liye 'rind' ne sab qāfiye koī na chhuTā
añgrezī magar ik qāfiya-e-fair to hai
did-e-gulzar-e-jahan kyun na karen sair to hai
ek din jaante hain KHatma-bilKHair to hai
'rind' waiz se abas karte ho shar KHair to hai
donon ghar ek hain kaba na sahi dair to hai
KHosha-chin banta hai kyun mazra-e-har-dahqan ka
wasf-e-insan nahin ye sifat-e-tair to hai
na basar howegi be-nashsha qadah-KHwaron ki
ho agar mai ki munadi hai falak sair to hai
aashna bahr-e-mohabbat ke shanawar hain sab
tu bhi us aag ke dariya ko agar pair to hai
rind-o-waiz ke bakheDon mein bhala kaun paDe
sab ko malum hai in donon mein ek bair to hai
murgh-e-dil mardum-e-bimar pe sadqa kar Dal
waste sehhat-e-jaan ke amal-e-tair to hai
jaise uDti si suni hai KHabar-e-qatl-e-safir
puchhta phirta hun ek ek se kyun KHair to hai
saqiya chand ghaDe mai ke qadah-KHwaron mein
sarf lillah agar hon amal-e-KHair to hai
dar-guzar hota hai aur hoga ba-qadr-e-imkan
aaKHir-e-kar ye pa-posh-o-sar-e-ghair to hai
kah liye 'rind' ne sab qafiye koi na chhuTa
angrezi magar ek qafiya-e-fair to hai
Source:
Deewan-e-Rind(Guldast-e-ishq) (Rekhta Website) (Pg. 291)
-
Author:
Rind Lakhnavi
-
- Edition: 1931
- Publisher: Munshi Nawal Kishor, Lucknow
- Year of Publication: 1930
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.