diwane diwane Thahre khel gae angaron se

Wamiq Jaunpuri

diwane diwane Thahre khel gae angaron se

Wamiq Jaunpuri

MORE BYWamiq Jaunpuri

    dīvāne dīvāne Thahre khel ga.e añgāroñ se

    ābla-pā.ī ab koī pūchhe in zehnī bīmāroñ se

    baat to jab hai shole nikleñ barbat-e-dil ke tāroñ se

    shor nahīñ naġhme paidā hoñ teġhoñ jhankāroñ se

    kis ne basāyā thā aur un ko kis ne yuuñ barbād kiyā

    apne lahū aatī hai in ujḌe bāzāroñ se

    kaise gale milte haiñ gale se ab ke bahārāñ bhuul ga.e

    yāroñ ne bharpūr galoñ kaam kiyā talvāroñ se

    keh do muġhannī se ab Thahre ḳhvāb-āvar naġhme roke roke

    koī hameñ lalkār rahā hai parbat se mīnāroñ se

    shaah ruḳh hai utrā utrā shah kyā detā hai shātir

    haarī baazī jiit ga.e ham paidal se rāh-vāroñ se

    vaqt ke tūfānī dhāroñ meñ kitne sāhil Duub ga.e

    nit na.e sāhil phir ubhre haiñ in tūfānī dhāroñ se

    pal meñ tola pal meñ māsha pal meñ sab darham barham

    zarra-e-ḳhākī nazreñ milā.e baiThe haiñ sayyāroñ se

    patthar dil paanī paanī zindāñ tārīḳhoñ par

    aaj talak rah rah kar chīḳheñ uThtī haiñ dīvāroñ se

    diwane diwane Thahre khel gae angaron se

    aabla-pai ab koi puchhe in zehni bimaron se

    baat to jab hai shole niklen barbat-e-dil ke taron se

    shor nahin naghme paida hon teghon ki jhankaron se

    kis ne basaya tha aur un ko kis ne yun barbaad kiya

    apne lahu ki bu aati hai in ujDe bazaron se

    kaise gale milte hain gale se ab ke bahaaran bhul gae

    yaron ne bharpur galon ka kaam kiya talwaron se

    keh do mughanni se ab Thahre KHwab-awar naghme roke roke

    koi hamein lalkar raha hai parbat se minaron se

    shah ka ruKH hai utra utra shah kya deta hai shatir

    haari bazi jit gae hum paidal se rah-waron se

    waqt ke tufani dhaaron mein kitne sahil Dub gae

    nit nae sahil phir ubhre hain in tufani dhaaron se

    pal mein tola pal mein masha pal mein sab darham barham

    zarra-e-KHaki nazren milae baiThe hain sayyaron se

    patthar ka dil pani pani zindan ki tariKHon par

    aaj talak rah rah kar chiKHen uThti hain diwaron se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY