dīvāngī kā apne sar ilzām liyā hai
jab tujh ko bhulāyā hai tirā naam liyā hai
jab bhī hai lagī rāh-e-ḳhirad meñ koī Thokar
ghabrā ke vahīñ dast-e-junūñ thaam liyā hai
iisā to nahīñ maiñ pa sar-e-ishq-o-junūñ par
nā-karda gunāhoñ kā bhī ilzām liyā hai
majbūr-e-muravvat ne har ehsān ke badle
yāroñ se faqat tohfa-e-dushnām liyā hai
dekho na hiqārat se mire dil kī thakan ko
is dil se zamāne ne baḌā kaam liyā hai
aisā bhī huā hai ki bharī bazm meñ 'sālik'
in āñkhoñ ne un āñkhoñ se paiġhām liyā hai
diwangi ka apne sar ilzam liya hai
jab tujh ko bhulaya hai tera nam liya hai
jab bhi hai lagi rah-e-KHirad mein koi Thokar
ghabra ke wahin dast-e-junun tham liya hai
isa to nahin main pa sar-e-ishq-o-junun par
na-karda gunahon ka bhi ilzam liya hai
majbur-e-murawwat ne har ehsan ke badle
yaron se faqat tohfa-e-dushnam liya hai
dekho na hiqarat se mere dil ki thakan ko
is dil se zamane ne baDa kaam liya hai
aisa bhi hua hai ki bhari bazm mein 'salik'
in aankhon ne un aankhon se paigham liya hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
