diwar-o-dar ka nam tha koi makan na tha
dīvār-o-dar kā naam thā koī makāñ na thā
maiñ jis zamīn par thā vahāñ āsmāñ na thā
maiñ dushmanoñ kī tarah rahā ḳhud se duur kyuuñ
apne sivā to koī mire darmiyāñ na thā
qadmoñ meñ taptī ret thī chāroñ taraf thī aag
aur zindagī ke sar par koī sā.ebāñ na thā
DhūñDī thī maañ kī god meñ jā-e-amāñ magar
bechainiyoñ ko merī vahāñ bhī amaañ na thā
mere safar meñ bhiiḌ jo thī ham-qadam mirī
yādoñ kī thī barāt koī kārvāñ na thā
apne hisār-e-jism meñ kab rah sakā 'nazar'
dekhā gayā thā us ko jahāñ vo vahāñ na thā
diwar-o-dar ka nam tha koi makan na tha
main jis zamin par tha wahan aasman na tha
main dushmanon ki tarah raha KHud se dur kyun
apne siwa to koi mere darmiyan na tha
qadmon mein tapti ret thi chaaron taraf thi aag
aur zindagi ke sar par koi saeban na tha
DhunDi thi man ki god mein ja-e-aman magar
bechainiyon ko meri wahan bhi aman na tha
mere safar mein bhiD jo thi ham-qadam meri
yaadon ki thi baraat koi karwan na tha
apne hisar-e-jism mein kab rah saka 'nazar'
dekha gaya tha us ko jahan wo wahan na tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
