diwar-o-dar mein gham ka tamasha to hai abhi

dīvār-o-dar meñ ġham kā tamāsha to hai abhī

vo ḳhud nahīñ pa us kā bulāvā to hai abhī

mānūs ho chalī hai udāsī se zindagī

paañv ke ābloñ kā nazārā to hai abhī

sach hai ki zahr-e-ishq talattuf gurez thā

chiñgāriyoñ ne varna pukārā to hai abhī

ḳhvāboñ ko dar-ba-dar hī rakhā thā nasīb ne

āshuftagī meñ jaañ kā ḳhasāra to hai abhī

ma.alūm hai ki kuchh bhī nahīñ dasht-e-zīst meñ

ummīd-e-ḳhvāb hī pe guzārā to hai abhī

ruḳhsat shab-e-firāq bahut sah liyā tujhe

hamrāz garche ḳhvāb sitārā to hai abhī

be-tābiyāñ sameT ke pūchhā kare hai dil

qismat meñ apnī sub.h kā taarā to hai abhī

diwar-o-dar mein gham ka tamasha to hai abhi

wo KHud nahin pa us ka bulawa to hai abhi

manus ho chali hai udasi se zindagi

panw ke aablon ka nazara to hai abhi

sach hai ki zahr-e-ishq talattuf gurez tha

chingariyon ne warna pukara to hai abhi

KHwabon ko dar-ba-dar hi rakha tha nasib ne

aashuftagi mein jaan ka KHasara to hai abhi

malum hai ki kuchh bhi nahin dasht-e-zist mein

ummid-e-KHwab hi pe guzara to hai abhi

ruKHsat shab-e-firaq bahut sah liya tujhe

hamraaz garche KHwab sitara to hai abhi

be-tabiyan sameT ke puchha kare hai dil

qismat mein apni subh ka tara to hai abhi