dikhata kya hai ye TuTi hui kaman mujhe

dikhātā kyā hai ye TuuTī huī kamān mujhe

tirā shikār huuñ achchhī tarah se jaan mujhe

havā ne ret kī sūrat zamīñ pe likh dī hai

dikhā.ī detī hai patthar kī dāstān mujhe

ik āsmāñ ne zamīñ par girā diyā lekin

zamīñ ne phir se banā Daalā āsmān mujhe

maiñ is havā kā nahīñ pāniyoñ kā qaidī huuñ

na jaane kyuuñ liye phirtā hai bādbān mujhe

zamīñ se sirf jazīra dikhā.ī detā hai

koī na jaan sakā aaj tak chaTān mujhe

na jaane tiir kī mānind kaise chubhne lagā

vo shaḳhs lagtā thā TuuTī huī kamān mujhe

dikhata kya hai ye TuTi hui kaman mujhe

tera shikar hun achchhi tarah se jaan mujhe

hawa ne ret ki surat zamin pe likh di hai

dikhai deti hai patthar ki dastan mujhe

ek aasman ne zamin par gira diya lekin

zamin ne phir se bana Dala aasman mujhe

main is hawa ka nahin paniyon ka qaidi hun

na jaane kyun liye phirta hai baadban mujhe

zamin se sirf jazira dikhai deta hai

koi na jaan saka aaj tak chaTan mujhe

na jaane tir ki manind kaise chubhne laga

wo shaKHs lagta tha TuTi hui kaman mujhe