dil agar hota to mil jata nishan-e-arzu

dil agar hotā to mil jaatā nishān-e-ārzū

tum ne to mismār kar Daalā makān-e-ārzū

nā-mukammal rah gayā āḳhir bayān-e-ārzū

kahte kahte so ga.e ham dāstān-e-ārzū

dil pe rakh lo haath phir sunñā bayān-e-ārzū

dāstān-e-ārzū hai dāstān-e-ārzū

hazrat-e-mūsā yahāñ laġhzish na kar jaanā kahīñ

imtihān-e-ārzū hai imtihān-e-ārzū

dil mirā dushman sahī lekin kahūñ to kyā kahūñ

rāz-dān-e-ārzū hai rāz-dān-e-ārzū

tum to sirf ik diid kī hasrat pe barham ho ga.e

kam se kam puurī to sunte dāstān-e-ārzū

dil agar hota to mil jata nishan-e-arzu

tum ne to mismar kar Dala makan-e-arzu

na-mukammal rah gaya aaKHir bayan-e-arzu

kahte kahte so gae hum dastan-e-arzu

dil pe rakh lo hath phir sunna bayan-e-arzu

dastan-e-arzu hai dastan-e-arzu

hazrat-e-musa yahan laghzish na kar jaana kahin

imtihan-e-arzu hai imtihan-e-arzu

dil mera dushman sahi lekin kahun to kya kahun

raaz-dan-e-arzu hai raaz-dan-e-arzu

tum to sirf ek did ki hasrat pe barham ho gae

kam se kam puri to sunte dastan-e-arzu