dil apna harif-e-saill-e-bala ab kya kahen kitna TuT gaya

Mahshar Badayuni

dil apna harif-e-saill-e-bala ab kya kahen kitna TuT gaya

Mahshar Badayuni

MORE BYMahshar Badayuni

    dil apnā harīf-e-saill-e-balā ab kyā kaheñ kitnā TuuT gayā

    aaj aur thapeḌe Takrā.e aaj aur kinārā TuuT gayā

    paikār jin sheva ho vo tund havā.eñ kyā samjheñ

    gulzār to ham par tañg huā baazū to hamārā TuuT gayā

    miTTī se ḳhvāb tarāshā thā so us ye ta.abīr milī

    ab aadhā gharauñdā baaqī hai aur aadhā gharauñdā TuuT gayā

    ghar bhī vahī ghar vaale bhī vahī par kyā lage is māhaul meñ

    dīvār se rishta qaa.em hai saa.e se rishta TuuT gayā

    jis ke liye bachcha royā thā aur poñchhe the aañsū baabā ne

    vo bachcha ab bhī zinda hai vo mahñgā khilaunā TuuT gayā

    kab dīda-e-gul huā dāman jo jab chhoḌ ga.ī gul ko ḳhushbū

    kab aayā shajar ko hosh-e-numū jab pattā pattā TuuT gayā

    dil apna harif-e-saill-e-bala ab kya kahen kitna TuT gaya

    aaj aur thapeDe Takrae aaj aur kinara TuT gaya

    paikar hi jin ka shewa ho wo tund hawaen kya samjhen

    gulzar to hum par tang hua bazu to hamara TuT gaya

    miTTi se KHwab tarasha tha so us ki ye tabir mili

    ab aadha gharaunda baqi hai aur aadha gharaunda TuT gaya

    ghar bhi wahi ghar wale bhi wahi par kya lage is mahaul mein ji

    diwar se rishta qaem hai sae se rishta TuT gaya

    jis ke liye bachcha roya tha aur ponchhe the aansu baba ne

    wo bachcha ab bhi zinda hai wo mahnga khilauna TuT gaya

    kab dida-e-gul hua daman jo jab chhoD gai gul ko KHushbu

    kab aaya shajar ko hosh-e-numu jab patta patta TuT gaya

    Source
    • Book : Kulliyat-e-Mahshar Badayuni (Pg. 369)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY