dil bahut hairan hai kyon un se pale paD gae

dil bahut hairān hai kyoñ un se paale paḌ ga.e

ḳhvāb jin ke dekh kar āñkhoñ meñ jaale paḌ ga.e

dekhiye qudrat huī hai yuuñ mohabbat ke ḳhilāf

chāñd ko chūmā to mere hoñTh kaale paḌ ga.e

peT kī is aag ne dafnā diyā sab kā zamīr

sāmne jab roTiyoñ ke do nivāle paḌ ga.e

rāste andhī taraqqī ke bahut mahñge paḌe

dekhiye tahzīb ke pairoñ meñ chhāle paḌ ga.e

mere haq meñ bolnā thā vo bhī sach aur sirf sach

is liye sab kī zabāñ pe aaj taale paḌ ga.e

dil bahut hairan hai kyon un se pale paD gae

KHwab jin ke dekh kar aankhon mein jale paD gae

dekhiye qudrat hui hai yun mohabbat ke KHilaf

chand ko chuma to mere honTh kale paD gae

peT ki is aag ne dafna diya sab ka zamir

samne jab roTiyon ke do niwale paD gae

raste andhi taraqqi ke bahut mahnge paDe

dekhiye tahzib ke pairon mein chhaale paD gae

mere haq mein bolna tha wo bhi sach aur sirf sach

is liye sab ki zaban pe aaj tale paD gae