dil bhar aae to samundar nahin dekhe jate

dil bhar aa.e to samundar nahīñ dekhe jaate

aks paanī meñ utar kar nahīñ dekhe jaate

dekh ai sust-ravī ham se kinārā kar le

har qadam raah ke patthar nahīñ dekhe jaate

vo chahak ho ki mahak ek hī ruḳh uḌtī hai

bar-sar-e-dosh-e-havā par nahīñ dekhe jaate

dekh ai sāda-dil o sāda-ruḳh o sāda-jamāl

har jagah ye zar-o-zevar nahīñ dekhe jaate

apne hāthoñ meñ lakīroñ ke sivā kuchh bhī nahīñ

dard-mandoñ ke muqaddar nahīñ dekhe jaate

sar-giraftoñ ke liye ghar bhī qafas haiñ 'ḳhālid'

himmat ai ḳhīra-saro sar nahīñ dekhe jaate

dil bhar aae to samundar nahin dekhe jate

aks pani mein utar kar nahin dekhe jate

dekh ai sust-rawi hum se kinara kar le

har qadam rah ke patthar nahin dekhe jate

wo chahak ho ki mahak ek hi ruKH uDti hai

bar-sar-e-dosh-e-hawa par nahin dekhe jate

dekh ai sada-dil o sada-ruKH o sada-jamal

har jagah ye zar-o-zewar nahin dekhe jate

apne hathon mein lakiron ke siwa kuchh bhi nahin

dard-mandon ke muqaddar nahin dekhe jate

sar-girafton ke liye ghar bhi qafas hain 'KHalid'

himmat ai KHira-saro sar nahin dekhe jate