dil bujh gaya to garmi-e-bazar bhi nahin

Ejaz Warsi

dil bujh gaya to garmi-e-bazar bhi nahin

Ejaz Warsi

MORE BY Ejaz Warsi

    dil bujh gayā to garmī-e-bāzār bhī nahīñ

    ab zikr-e-bāda-o-lab-o-ruḳhsār bhī nahīñ

    apnā thā ḳhalvatoñ meñ kabhī partav-e-jamāl

    qismat meñ ab to sāya-e-dīvār bhī nahīñ

    shikva zabāñ pe phuul se ahbāb ġhalat

    ai dost mujh ko to gila-e-ḳhār bhī nahīñ

    aayā na raas aap ko ai shaiḳh roz-e-hashr

    aur lutf ye hai aap gunāhgār bhī nahīñ

    qaa.em huuñ apnī tauba pe maiñ aaj bhī magar

    koī hasīñ pilā.e to inkār bhī nahīñ

    kyā kījiye numā.ish-e-ġham ḳhūn-e-dil ke ba.ad

    ab ārzū-e-dīda-e-ḳhūñbār bhī nahīñ

    elān-e-be-ḳhudī hai har ik qatra-e-lahū

    mere junūñ had rasan-o-dār bhī nahīñ

    nūr-e-sahar ke naam pe bhaTkeñ na qāfile

    dar-asl abhī to sub.h ke āsār bhī nahīñ

    vaa.iz ḳhayāl-e-tauba bajā hai magar abhī

    maiñ to ba-qadr-e-zarf gunāhgār bhī nahīñ

    dil bujh gaya to garmi-e-bazar bhi nahin

    ab zikr-e-baada-o-lab-o-ruKHsar bhi nahin

    apna tha KHalwaton mein kabhi partaw-e-jamal

    qismat mein ab to saya-e-diwar bhi nahin

    shikwa zaban pe phul se ahbab ka ghalat

    ai dost mujh ko to gila-e-KHar bhi nahin

    aaya na ras aap ko ai shaiKH roz-e-hashr

    aur lutf ye hai aap gunahgar bhi nahin

    qaem hun apni tauba pe main aaj bhi magar

    koi hasin pilae to inkar bhi nahin

    kya kijiye numaish-e-gham KHun-e-dil ke baad

    ab aarzu-e-dida-e-KHunbar bhi nahin

    elan-e-be-KHudi hai har ek qatra-e-lahu

    mere junun ki had rasan-o-dar bhi nahin

    nur-e-sahar ke nam pe bhaTken na qafile

    dar-asl abhi to subh ke aasar bhi nahin

    waiz KHayal-e-tauba baja hai magar abhi

    main to ba-qadr-e-zarf gunahgar bhi nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY