dil-e-be-muddaa ka muddaa kya

dil-e-be-mudda.ā kā mudda.ā kyā

kisī sāz-e-shikasta kī sadā kyā

laraz jaatā huuñ zikr-e-ārzū se

yahī hai ārzūoñ kā sila kyā

vafā-nā-āshnā se kyā shikāyat

fusūñ-parvar nigāhoñ se gila kyā

tamavvuj hai na tuġhyānī na girdāb

ye dariyā-e-mohabbat ko huā kyā

garebāñ-chāk haiñ ham bhī chaman meñ

ḳhabar tujh ko nahīñ bād-e-sabā kyā

dil-e-majbūr kā sarmāya-e-zīst

fuġhān-e-sub.h-gāhī ke sivā kyā

shahīdān-e-vafā se koī pūchhe

mohabbat kyā hai taslīm-o-razā kyā

havā-e-tez bhī aa.e to kyā ġham

bujhā kartī hai qindīl-e-vafā kyā

tire altāf ke muhtāj haiñ sab

faqīh-o-rind kyā shāh-o-gadā kyā

mire dil se koī 'fārūq' pūchhe

jafā kyā hai taġhāful kyā adā kyā

dil-e-be-muddaa ka muddaa kya

kisi saz-e-shikasta ki sada kya

laraz jata hun zikr-e-arzu se

yahi hai aarzuon ka sila kya

wafa-na-ashna se kya shikayat

fusun-parwar nigahon se gila kya

tamawwuj hai na tughyani na girdab

ye dariya-e-mohabbat ko hua kya

gareban-chaak hain hum bhi chaman mein

KHabar tujh ko nahin baad-e-saba kya

dil-e-majbur ka sarmaya-e-zist

fughan-e-subh-gahi ke siwa kya

shahidan-e-wafa se koi puchhe

mohabbat kya hai taslim-o-raza kya

hawa-e-tez bhi aae to kya gham

bujha karti hai qindil-e-wafa kya

tere altaf ke muhtaj hain sab

faqih-o-rind kya shah-o-gada kya

mere dil se koi 'faruq' puchhe

jafa kya hai taghaful kya ada kya