dil-e-betab aafat hai bala hai

Meer Taqi Meer

dil-e-betab aafat hai bala hai

Meer Taqi Meer

MORE BYMeer Taqi Meer

    dil-e-betāb aafat hai balā hai

    jigar sab khā gayā ab kyā rahā hai

    hamārā to hai asl-e-mudda.ā

    ḳhudā jaane tirā kyā mudda.ā hai

    mohabbat-kushta haiñ ham yaañ kisū paas

    hamāre dard bhī kuchh davā hai

    haram se dair uTh jaanā nahīñ aib

    agar yaañ hai ḳhudā vaañ bhī ḳhudā hai

    nahīñ miltā suḳhan apnā kisū se

    hamārā guftugū Dhab judā hai

    koī hai dil khiñche jaate haiñ ūdhar

    fuzūlī hai tajassus ye ki kyā hai

    marūñ maiñ is meñ rah jā.ūñ jiitā

    yahī sheva mirā mehr-o-vafā hai

    sabā ūdhar gul ūdhar sarv ūdhar

    usī baaġh meñ ab to havā hai

    tamāshā-kardanī hai dāġh-e-sīna

    ye phuul is taḳhte meñ taaza khilā hai

    hazāroñ un ne aisī kiiñ adā.eñ

    qayāmat jaise ik us adā hai

    jagah afsos hai baad chande

    abhī to dil hamārā bhī bajā hai

    jo chupke huuñ kahe chupke ho kyuuñ tum

    kaho jo kuchh tumhārā mudda.ā hai

    suḳhan kariye to hove harf-zan yuuñ

    bas ab muñh muuñd le maiñ ne sunā hai

    kab us begāna-ḳhū ko samjhe aalam

    agarche yaar ālam-āshnā hai

    na aalam meñ hai ne aalam se bāhar

    pa sab aalam se aalam judā hai

    lagā maiñ gird sar phirne to bolā

    tumhārā 'mīr' sāhib sar-phirā hai

    dil-e-betab aafat hai bala hai

    jigar sab kha gaya ab kya raha hai

    hamara to hai asl-e-muddaa tu

    KHuda jaane tera kya muddaa hai

    mohabbat-kushta hain hum yan kisu pas

    hamare dard ki bhi kuchh dawa hai

    haram se dair uTh jaana nahin aib

    agar yan hai KHuda wan bhi KHuda hai

    nahin milta suKHan apna kisu se

    hamara guftugu ka Dhab juda hai

    koi hai dil khinche jate hain udhar

    fuzuli hai tajassus ye ki kya hai

    marun main is mein ya rah jaun jita

    yahi shewa mera mehr-o-wafa hai

    saba udhar gul udhar sarw udhar

    usi ki bagh mein ab to hawa hai

    tamasha-kardani hai dagh-e-sina

    ye phul is taKHte mein taza khila hai

    hazaron un ne aisi kin adaen

    qayamat jaise ek us ki ada hai

    jagah afsos ki hai baad chande

    abhi to dil hamara bhi baja hai

    jo chupke hun kahe chupke ho kyun tum

    kaho jo kuchh tumhaara muddaa hai

    suKHan kariye to howe harf-zan yun

    bas ab munh mund le main ne suna hai

    kab us begana-KHu ko samjhe aalam

    agarche yar aalam-ashna hai

    na aalam mein hai ne aalam se bahar

    pa sab aalam se aalam hi juda hai

    laga main gird sar phirne to bola

    tumhaara 'mir' sahib sar-phira hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY