aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil-e-betab ka aana sitam hai

Vafa Barahi

dil-e-betab ka aana sitam hai

Vafa Barahi

MORE BYVafa Barahi

    dil-e-betāb aanā sitam hai

    taḌap kar phir machal jaanā sitam hai

    mujhe samjhā rahī hai ġhairat-e-dil

    vafā se terā phir jaanā sitam hai

    vo rah kar chuTkiyāñ lete haiñ kyā kyā

    sitam hai dil meñ bhī aanā sitam hai

    mirī nākāmiyāñ ye kah rahī haiñ

    nuqūsh-e-ġham miT jaanā sitam hai

    miTī jaatī haiñ merī ārzūeñ

    kisī ko raah par laanā sitam hai

    kitāb-e-ishq ko kartā huuñ maiñ jam.a

    varaq ab bikhar jaanā sitam hai

    kahīñ rāz-e-mohabbat khul na jaa.e

    zabāñ par naam laanā sitam hai

    dam-e-āḳhir huā mujh ko ye ma.alūm

    fareb-e-zindagī khānā sitam hai

    mirī ġhairat ko kab hai ye gavārā

    tasavvur meñ tirā aanā sitam hai

    samajhtā huuñ ma.āl-e-ārzū ko

    magar ab tujh ko samjhānā sitam hai

    garebāñ hai garebāñ dast-e-vahshat

    tirā had se guzar jaanā sitam hai

    phañsā kyoñ maiñ fareb-e-ārzū meñ

    adā ke pher meñ aanā sitam hai

    tumhīñ ne da.avat-e-nazzāra thī

    yakāyak haa.e chhup jaanā sitam hai

    kabhī raqsāñ thiiñ jin āñkhoñ meñ ulfat

    un āñkhoñ badal jaanā sitam hai

    jafā jab hāsil-e-ulfat hai ai dil

    'vafā' ke pher meñ aanā sitam hai

    dil-e-betab ka aana sitam hai

    taDap kar phir machal jaana sitam hai

    mujhe samjha rahi hai ghairat-e-dil

    wafa se tera phir jaana sitam hai

    wo rah kar chuTkiyan lete hain kya kya

    sitam hai dil mein bhi aana sitam hai

    meri nakaamiyan ye kah rahi hain

    nuqush-e-gham ka miT jaana sitam hai

    miTi jati hain meri aarzuen

    kisi ko rah par lana sitam hai

    kitab-e-ishq ko karta hun main jama

    waraq ka ab bikhar jaana sitam hai

    kahin raaz-e-mohabbat khul na jae

    zaban par nam ka lana sitam hai

    dam-e-aKHir hua mujh ko ye malum

    fareb-e-zindagi khana sitam hai

    meri ghairat ko kab hai ye gawara

    tasawwur mein tera aana sitam hai

    samajhta hun maal-e-arzu ko

    magar ab tujh ko samjhana sitam hai

    gareban hai gareban dast-e-wahshat

    tera had se guzar jaana sitam hai

    phansa kyon main fareb-e-arzu mein

    ada ke pher mein aana sitam hai

    tumhin ne dawat-e-nazzara di thi

    yakayak hae chhup jaana sitam hai

    kabhi raqsan thin jin aankhon mein ulfat

    un aankhon ka badal jaana sitam hai

    jafa jab hasil-e-ulfat hai ai dil

    'wafa' ke pher mein aana sitam hai

    Source:

    Nikhat-e-Gul (Pg. 43)

    • Author: Vafa Barahi
      • Publisher: Pustak Bhandar, Patna
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now