dil-e-diwana se haal-e-dil-e-diwana kahte hain

dil-e-dīvāna se hāl-e-dil-e-dīvāna kahte haiñ

hamīñ haiñ sunñe vaale aur hamīñ afsāna kahte haiñ

sunā hai phir bahār aa.egī is ujḌe hue ghar meñ

banegā ik jahān-e-ārzū vīrāna kahte haiñ

sar-e-iḳhlās jis kā mahv-e-sajda ho tire dar par

vo kyā jaane kise ka.aba kise but-ḳhāna kahte haiñ

dam-e-āḳhir hai aa jaao marīz-e-ġham kī bālīñ par

zarā sun lo lab-e-ḳhāmosh kyā afsāna kahte haiñ

naqāb-e-ruḳh ulaTnā ḳhirman-e-hastī kā jal jaanā

isī bijlī ko shāyad jalva-e-jānāna kahte haiñ

dil-e-diwana se haal-e-dil-e-diwana kahte hain

hamin hain sunne wale aur hamin afsana kahte hain

suna hai phir bahaar aaegi is ujDe hue ghar mein

banega ek jahan-e-arzu virana kahte hain

sar-e-iKHlas jis ka mahw-e-sajda ho tere dar par

wo kya jaane kise kaba kise but-KHana kahte hain

dam-e-aKHir hai aa jao mariz-e-gham ki baalin par

zara sun lo lab-e-KHamosh kya afsana kahte hain

naqab-e-ruKH ulaTna KHirman-e-hasti ka jal jaana

isi bijli ko shayad jalwa-e-jaanana kahte hain