dil-e-fasurda pe sau bar tazgi aai

Arsh Malsiyani

dil-e-fasurda pe sau bar tazgi aai

Arsh Malsiyani

MORE BYArsh Malsiyani

    dil-e-fasurda pe sau baar tāzgī aa.ī

    magar vo yaad ki kar na phir kabhī aa.ī

    chaman meñ kaun hai pursān-e-hāl shabnam

    ġharīb ro.e to ġhunchoñ ko bhī hañsī aa.ī

    naved-e-aish se bhī lutf-e-aish mil na sakā

    libās-e-ġham meñ aa.ī agar ḳhushī aa.ī

    kisī tarah bhī zamāne ko bas meñ kar na sake

    na dostī na hameñ raas dushmanī aa.ī

    ajab na thā ki ġham-e-dil shikast khā jaatā

    hazār shukr tire lutf meñ kamī aa.ī

    zamāna hañstā hai mujh par hazār baar hañse

    tumhārī aañkh meñ lekin ye kyuuñ namī aa.ī

    diye jalā.e umīdoñ ne dil ke gird bahut

    kisī taraf se na us ghar meñ raushnī aa.ī

    hazār diid pe pābandiyāñ thiiñ parde the

    nigāh-e-shauq magar un ko dekh aa.ī

    dil-e-fasurda pe sau bar tazgi aai

    magar wo yaad ki ja kar na phir kabhi aai

    chaman mein kaun hai pursan-e-haal shabnam ka

    gharib roe to ghunchon ko bhi hansi aai

    nawed-e-aish se bhi lutf-e-aish mil na saka

    libas-e-gham hi mein aai agar KHushi aai

    kisi tarah bhi zamane ko bas mein kar na sake

    na dosti na hamein ras dushmani aai

    ajab na tha ki gham-e-dil shikast kha jata

    hazar shukr tere lutf mein kami aai

    zamana hansta hai mujh par hazar bar hanse

    tumhaari aankh mein lekin ye kyun nami aai

    diye jalae umidon ne dil ke gird bahut

    kisi taraf se na us ghar mein raushni aai

    hazar did pe pabandiyan thin parde the

    nigah-e-shauq magar un ko dekh hi aai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY