dil-e-gustaKH ko lazim hai jalaya hota

dil-e-gustāḳh ko lāzim hai jalāyā hotā

ishq ma.asūm thā jhagḌe meñ na laayā hotā

terī tāzīm meñ uTThī haiñ jo aaheñ fauran

ik nazar dekh ke un ko to biThāyā hotā

log jo ishq pe ghar-bār luTā kar aa.e

vāris-e-sher-o-suḳhan un ko banāyā hotā

mere vijdān meñ rahte haiñ kisī yaad ke dukh

ḳhvāb kuchh bhej ke yādoñ ko sulāyā hotā

mujh ko mahrūm-e-vafā dekh ke nauha kahte

ishq-e-maġhmūm pe mātam hī manāyā hotā

ek ib.hām hai ghūmegā muqaddar phir se

kaaT ke haath lakīroñ ko ghumāyā hotā

un ko bīmār ke lahje kī thakan yaad nahīñ

tujh sā be-ġharz masīhā na ḳhudāyā hotā

ye mirī sift 'ḳhalīl' aaj mujhe le Duubī

sach ne suulī pe chaḌhāyā na chaḌhāyā hotā

dil-e-gustaKH ko lazim hai jalaya hota

ishq masum tha jhagDe mein na laya hota

teri tazim mein uTThi hain jo aahen fauran

ek nazar dekh ke un ko to biThaya hota

log jo ishq pe ghar-bar luTa kar aae

waris-e-sher-o-suKHan un ko banaya hota

mere wijdan mein rahte hain kisi yaad ke dukh

KHwab kuchh bhej ke yaadon ko sulaya hota

mujh ko mahrum-e-wafa dekh ke nauha kahte

ishq-e-maghmum pe matam hi manaya hota

ek ibham hai ghumega muqaddar phir se

kaT ke hath lakiron ko ghumaya hota

un ko bimar ke lahje ki thakan yaad nahin

tujh sa be-gharz masiha na KHudaya hota

ye meri sift 'KHalil' aaj mujhe le Dubi

sach ne suli pe chaDhaya na chaDhaya hota