dil-e-shahid hua hai shahid-e-husn-e-sifat

dil-e-shahīd huā hai shahīd-e-husn-e-sifāt

pilāyā zauq-e-nazar ne bhī jām-e-āb-e-hayāt

adam vajūd ta.ayyun sifāt jalva-e-zāt

ġhalat hai vahm duī nafi hai ye fil-asbāt

nigāh-e-lutf se dekho hameñ bhī husn-ārā

kahāñ hai rañg-e-tajāhul ye dāḳhil-e-hasnāt

faroġh-e-jazb-e-anal-haq meñ ra.g-e-hū haq hai

hue jo ahl-e-nazar un kā saaf hai mirrāt

hamārā sheva-e-taslīm hai razā-ba-qazā

adā-e-ra.g-e-tavakkul hai qāzī-ul-hājāt

kamāl-e-ishq hai 'sāqī' faroġh-e-husn-e-amal

ye rañg-e-sheva-e-ahsan hai dāḳhil-e-hasnāt

dil-e-shahid hua hai shahid-e-husn-e-sifat

pilaya zauq-e-nazar ne bhi jam-e-ab-e-hayat

adam wajud tayyun sifat jalwa-e-zat

ghalat hai wahm dui nafi hai ye fil-asbaat

nigah-e-lutf se dekho hamein bhi husn-ara

kahan hai rang-e-tajahul ye daKHil-e-hasnat

farogh-e-jazb-e-anal-haq mein rag-e-hu haq hai

hue jo ahl-e-nazar un ka saf hai mirraat

hamara shewa-e-taslim hai raza-ba-qaza

ada-e-rag-e-tawakkul hai qazi-ul-hajat

kamal-e-ishq hai 'saqi' farogh-e-husn-e-amal

ye rang-e-shewa-e-ahsan hai daKHil-e-hasnat