dil-e-tanha mein ab ehsas-e-mahrumi nahin shayad

Habeeb Hyderabadi

dil-e-tanha mein ab ehsas-e-mahrumi nahin shayad

Habeeb Hyderabadi

MORE BYHabeeb Hyderabadi

    dil-e-tanhā meñ ab ehsās-e-mahrūmī nahīñ shāyad

    tirī duurī bhī ab dil ke liye duurī nahīñ shāyad

    jahāñ din meñ añdherā ho vahāñ rātoñ kyā kahnā

    yahāñ ke chāñd sūraj meñ chamak hotī nahīñ shāyad

    maiñ jab bistar se uThtā huuñ to yuuñ mahsūs hotā hai

    mire andar duniyā raat bhar sotī nahīñ shāyad

    ye kis sahrā ke kis goshe meñ ḳhema taan baiThe haiñ

    kisī bhī samt koī rahguzar jaatī nahīñ shāyad

    ham apnī zindagī dhuup meñ tapne ke aadī haiñ

    hameñ ThanDī havā barsoñ se raas aatī nahīñ shāyad

    'habīb' is zindagī ke pech-o-ḳham se ham bhī nālāñ haiñ

    hameñ jhūTe nagīnoñ chamak bhātī nahīñ shāyad

    dil-e-tanha mein ab ehsas-e-mahrumi nahin shayad

    teri duri bhi ab dil ke liye duri nahin shayad

    jahan din mein andhera ho wahan raaton ka kya kahna

    yahan ke chand suraj mein chamak hoti nahin shayad

    main jab bistar se uThta hun to yun mahsus hota hai

    mere andar ki duniya raat bhar soti nahin shayad

    ye kis sahra ke kis goshe mein KHema tan baiThe hain

    kisi bhi samt koi rahguzar jati nahin shayad

    hum apni zindagi ki dhup mein tapne ke aadi hain

    hamein ThanDi hawa barson se ras aati nahin shayad

    'habib' is zindagi ke pech-o-KHam se hum bhi nalan hain

    hamein jhuTe naginon ki chamak bhati nahin shayad

    Source:

    • Book : Shora-e-London (Pg. 75)
    • Author : Johar Zahiri
    • Publication : Books From India (U.K) Ltd. 45, Museum Street,Londan W.C-1 (1985)
    • Edition : 1985
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY