dil gaya dil se dil ki baat gai

dil gayā dil se dil kī baat ga.ī

vo ga.e lazzat-e-hayāt ga.ī

ġhunche afsurda phuul pazhmurda

fasl-e-gul jaise un ke saat ga.ī

un ke jalve nigāh meñ na rahe

raunaq-e-bazm-e-kā.enāt ga.ī

dil-e-nādāñ ko laakh samjhāyā

kuchh na samjhā ye saarī raat ga.ī

sāya-e-zulf meñ jo guzrī thī

kaun jaane kidhar vo raat ga.ī

uTh gayā parda-e-ajal jis dam

ik hayāt aa.ī ik hayāt ga.ī

'shauq' bazm-e-jahāñ kī raunaq hai

ye gayā rūh-e-kā.enāt ga.ī

dil gaya dil se dil ki baat gai

wo gae lazzat-e-hayat gai

ghunche afsurda phul pazhmurda

fasl-e-gul jaise un ke sat gai

un ke jalwe nigah mein na rahe

raunaq-e-bazm-e-kaenat gai

dil-e-nadan ko lakh samjhaya

kuchh na samjha ye sari raat gai

saya-e-zulf mein jo guzri thi

kaun jaane kidhar wo raat gai

uTh gaya parda-e-ajal jis dam

ek hayat aai ek hayat gai

'shauq' bazm-e-jahan ki raunaq hai

ye gaya ruh-e-kaenat gai