dil gaya shoKHi-e-guftar kahan se laun

dil gayā shoḳhī-e-guftār kahāñ se lā.ūñ

ab vo pairāya-e-iz.hār kahāñ se lā.ūñ

qissa-e-gardish-e-daurāñ se abhī hosh nahīñ

dāstān-e-lab-o-ruḳhsār kahāñ se lā.ūñ

iltijā ke liye apnoñ se takalluf hai mujhe

sheva-e-minnat-e-aġhyār kahāñ se lā.ūñ

shirkat-e-ġhair mohabbat meñ gavārā kar luuñ

is qadar jazba-e-īsār kahāñ se lā.ūñ

ātish-e-hijr ke tapte hue sahrāoñ meñ

rāhat-e-sāya-e-dīvār kahāñ se lā.ūñ

tū hai nazdīk-e-rag-e-jāñ magar ai husn-e-tamām

terā jalva tirā dīdār kahāñ se lā.ūñ

'bazm' mohlat nahīñ dete mujhe afkār-e-jahāñ

fursat-e-kasrat-e-ash.ār kahāñ se lā.ūñ

dil gaya shoKHi-e-guftar kahan se laun

ab wo pairaya-e-izhaar kahan se laun

qissa-e-gardish-e-dauran se abhi hosh nahin

dastan-e-lab-o-ruKHsar kahan se laun

iltija ke liye apnon se takalluf hai mujhe

shewa-e-minnat-e-aghyar kahan se laun

shirkat-e-ghair mohabbat mein gawara kar lun

is qadar jazba-e-isar kahan se laun

aatish-e-hijr ke tapte hue sahraon mein

rahat-e-saya-e-diwar kahan se laun

tu hai nazdik-e-rag-e-jaan magar ai husn-e-tamam

tera jalwa tera didar kahan se laun

'bazm' mohlat nahin dete mujhe afkar-e-jahan

fursat-e-kasrat-e-ashaar kahan se laun