dil hai apna ranj-e-furqat mein sharik

dil hai apnā ranj-e-furqat meñ sharīk

ḳhud aziyyat ḳhud aziyyat meñ sharīk

hai ġham-e-'ishq apnī qismat meñ sharīk

hai yahī har ek hālat meñ sharīk

yaad hai terī har aafat meñ sharīk

kaun hotā hai musībat meñ sharīk

ab to dil ke saath merī jaan bhī

ho ga.ī terī mohabbat meñ sharīk

husn-e-kāmil kā kamāl-e-ishq dekh

kis ko vo kartā mohabbat meñ sharīk

nañg-āqā.ī hai merī bandagī

aap kyuuñ huuñ merī zillat meñ sharīk

ġhair phir vo hukm de mere ḳhilāf

kyā ye hai terī hukūmat meñ sharīk

husn ne 'rāġhib' ḳhud apne 'ishq ko

kar diyā har dil kī raġhbat meñ sharīk

dil hai apna ranj-e-furqat mein sharik

KHud aziyyat KHud aziyyat mein sharik

hai gham-e-'ishq apni qismat mein sharik

hai yahi har ek haalat mein sharik

yaad hai teri har aafat mein sharik

kaun hota hai musibat mein sharik

ab to dil ke sath meri jaan bhi

ho gai teri mohabbat mein sharik

husn-e-kaamil ka kamal-e-ishq dekh

kis ko wo karta mohabbat mein sharik

nang-aqai hai meri bandagi

aap kyun hun meri zillat mein sharik

ghair phir wo hukm de mere KHilaf

kya ye hai teri hukumat mein sharik

husn ne 'raghib' KHud apne 'ishq ko

kar diya har dil ki raghbat mein sharik