dil hai bimar kya kare koi

Zaki kakorvi

dil hai bimar kya kare koi

Zaki kakorvi

MORE BYZaki kakorvi

    dil hai bīmār kyā kare koī

    kis tarah se davā kare koī

    jab ki tum bin kahīñ qarār na ho

    phir batāo ki kyā kare koī

    vo na apnī ravish ko badleñge

    chāhe jo kuchh kahā kare koī

    tāqatoñ ne mirī javāb diyā

    ab batāo ki kyā kare koī

    baḌhtī jaatī haiñ dhaḌkaneñ dil

    aa bhī jaa.e ḳhudā kare koī

    un ko fursat kahāñ sañvarne se

    ab jiye marā kare koī

    jab ta.alluq na koī baaqī ho

    kis tarah se vafā kare koī

    sab ye taqdīr ke karishme haiñ

    kyā kisī se gilā kare koī

    ham to tālib nahīñ vafāoñ ke

    kaash ham se jafā kare koī

    phir 'zakī' dil ko ye tamannā hai

    ham se nāz-o-adā kare koī

    dil hai bimar kya kare koi

    kis tarah se dawa kare koi

    jab ki tum bin kahin qarar na ho

    phir batao ki kya kare koi

    wo na apni rawish ko badlenge

    chahe jo kuchh kaha kare koi

    taqaton ne meri jawab diya

    ab batao ki kya kare koi

    baDhti jati hain dhaDkanen dil ki

    aa bhi jae KHuda kare koi

    un ko fursat kahan sanwarne se

    ab jiye ya mara kare koi

    jab talluq na koi baqi ho

    kis tarah se wafa kare koi

    sab ye taqdir ke karishme hain

    kya kisi se gila kare koi

    hum to talib nahin wafaon ke

    kash hum se jafa kare koi

    phir 'zaki' dil ko ye tamanna hai

    hum se naz-o-ada kare koi

    Source :
    • Saaz-e-dil
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY