aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil hai to muqamat-e-fughan aur bhi honge

Sajjad Baqar Rizvi

dil hai to muqamat-e-fughan aur bhi honge

Sajjad Baqar Rizvi

MORE BYSajjad Baqar Rizvi

    Interesting Fact

    December 1985

    dil hai to muqāmāt-e-fuġhāñ aur bhī hoñge

    sar hai to abhī sañg-e-girāñ aur bhī hoñge

    ham se ki hai sāmān-e-farāġhat bhī junūñ bhī

    tasvīr ke parde meñ nihāñ aur bhī hoñge

    vaañ silsila-e-zulf meñ ḳham baḌhte raheñge

    yaañ mashġhla-e-ġham meñ ziyāñ aur bhī hoñge

    vaañ bū-e-vafā vahm ko sah chand karegī

    yaañ rañg-e-taġhāful pe gumāñ aur bhī hoñge

    haañ rasm-e-mudārāt-e-junūñ aur baḌhegī

    haañ dushman-e-dil āfat-e-jāñ aur bhī hoñge

    haañ vaj.h-e-giraftārī-e-dil sab kise ma.alūm

    haañ tarz-e-sitam-hā-e-nihāñ aur bhī hoñge

    haañ aur baḌhegī qad-o-gesū hikāyat

    haañ qissa-e-kotāhī-e-jāñ aur bhī hoñge

    bhaḌkegī abhī ātish-e-shauq aur sar-e-dār

    haañ sho.ala-labāñ sarv-qadāñ aur bhī hoñge

    haañ marhala-e-shauq ke unvāñ haiñ abhī aur

    'bāqar' se kuchh āshufta-bayāñ aur bhī hoñge

    dil hai to muqamat-e-fughan aur bhi honge

    sar hai to abhi sang-e-giran aur bhi honge

    hum se ki hai saman-e-faraghat bhi junun bhi

    taswir ke parde mein nihan aur bhi honge

    wan silsila-e-zulf mein KHam baDhte rahenge

    yan mashghla-e-gham mein ziyan aur bhi honge

    wan bu-e-wafa wahm ko sah chand karegi

    yan rang-e-taghaful pe guman aur bhi honge

    han rasm-e-mudaraat-e-junun aur baDhegi

    han dushman-e-dil aafat-e-jaan aur bhi honge

    han wajh-e-giraftari-e-dil sab kise malum

    han tarz-e-sitam-ha-e-nihan aur bhi honge

    han aur baDhegi qad-o-gesu ki hikayat

    han qissa-e-kotahi-e-jaan aur bhi honge

    bhaDkegi abhi aatish-e-shauq aur sar-e-dar

    han shoala-laban sarw-qadan aur bhi honge

    han marhala-e-shauq ke unwan hain abhi aur

    'baqar' se kuchh aashufta-bayan aur bhi honge

    Source:

    Kulliyat-e-Baqir (Pg. 52)

    • Author: Sajjad Baqir Rizvi
      • Edition: 2010
      • Publisher: Sayyed Mohammad Ali Anjum Rizvi
      • Year of Publication: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now