dil hai viran bayaban ki tarah
dil hai vīrān bayābāñ kī tarah
gosha-e-shahr-e-ḳhamoshāñ kī tarah
haa.e vo jism tah-e-ḳhāk hai aaj
jis ne rakkhā thā hameñ jaañ kī tarah
sāhab-e-ḳhāna samajhte the jise
chal diyā ghar se vo mehmāñ kī tarah
chāñd sūraj kā gumāñ thā jis par
bujh gayā sham-e-shabistāñ kī tarah
sāya-e-atifat ab sar pe nahīñ
sāya-e-abr-e-gurezāñ kī tarah
hai agar apnā muqaddar bhī to hai
tañg bas tañgī-e-dāmāñ kī tarah
dil hai viran bayaban ki tarah
gosha-e-shahr-e-KHamoshan ki tarah
hae wo jism tah-e-KHak hai aaj
jis ne rakkha tha hamein jaan ki tarah
sahab-e-KHana samajhte the jise
chal diya ghar se wo mehman ki tarah
chand suraj ka guman tha jis par
bujh gaya sham-e-shabistan ki tarah
saya-e-atifat ab sar pe nahin
saya-e-abr-e-gurezan ki tarah
hai agar apna muqaddar bhi to hai
tang bas tangi-e-daman ki tarah
Source:
Rooh-e-Ghazal,Pachas Sala Intekhab (Pg. 458)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
