dil hua bezar ab aaega kaun

dil huā bezār ab aa.egā kaun

uTh ga.ī dīvār ab aa.egā kaun

bād-e-sarsar barg-o-gul sab le uḌī

miT gayā gulzār ab aa.egā kaun

jin ko apne ḳhuun se sīñchā thā vo

ho ga.e aġhyār ab aa.egā kaun

haa.e re dil kī hī dil meñ rah ga.ī

hasrat-e-dīdār ab aa.egā kaun

tez hai barsāt aur āñdhī kī bhī

tez-tar raftār ab aa.egā kaun

jin se ummīd-e-vafā qaa.em thī vo

rah ga.e us paar ab aa.egā kaun

sahn meñ hoñ muntazir ab kis liye

ūñchī hai dīvār ab aa.egā kaun

ai 'anā' kis par bhalā kiije yaqīñ

bik ga.e ġham-ḳhvār ab aa.egā kaun

dil hua bezar ab aaega kaun

uTh gai diwar ab aaega kaun

baad-e-sarsar barg-o-gul sab le uDi

miT gaya gulzar ab aaega kaun

jin ko apne KHun se sincha tha wo

ho gae aghyar ab aaega kaun

hae re dil ki hi dil mein rah gai

hasrat-e-didar ab aaega kaun

tez hai barsat aur aandhi ki bhi

tez-tar raftar ab aaega kaun

jin se ummid-e-wafa qaem thi wo

rah gae us par ab aaega kaun

sahn mein hon muntazir ab kis liye

unchi hai diwar ab aaega kaun

ai 'ana' kis par bhala kije yaqin

bik gae gham-KHwar ab aaega kaun