dil hua hai mera KHarab-e-suKHan

dil huā hai mirā ḳharāb-e-suḳhan

dekh kar husn-e-behijāb-e-suḳhan

bazm-e-ma.anī meñ sarḳhushī hai use

jis kuuñ hai nashsha-e-sharāb-e-suḳhan

rāh-e-mazmūn-e-tāza band nahīñ

tā-qayāmat khulā hai bāb-e-suḳhan

jalva-pairā ho shāhid-e-ma.anī

jab zabāñ suuñ uThe naqāb-e-suḳhan

gauhar us kī nazar meñ jā na kare

jin ne dekhā hai āb-o-tāb-e-suḳhan

harjā-goyāñ kī baat kyūñki sune

jo sunā naġhma-e-rabāb-e-suḳhan

hai tirī baat ai nazākat-e-fahm

lauh-e-dībācha-e-kitāb-e-suḳhan

hai suḳhan jag manīñ adīm-ul-misāl

juz suḳhan niiñ dujā javāb-e-suḳhan

ai 'valī' dard-e-sar kabhū na rahe

jab mile sandal-o-gulāb-e-suḳhan

dil hua hai mera KHarab-e-suKHan

dekh kar husn-e-behijab-e-suKHan

bazm-e-mani mein sarKHushi hai use

jis kun hai nashsha-e-sharab-e-suKHan

rah-e-mazmun-e-taza band nahin

ta-qayamat khula hai bab-e-suKHan

jalwa-paira ho shahid-e-mani

jab zaban sun uThe naqab-e-suKHan

gauhar us ki nazar mein ja na kare

jin ne dekha hai aab-o-tab-e-suKHan

harja-goyan ki baat kyunki sune

jo suna naghma-e-rabab-e-suKHan

hai teri baat ai nazakat-e-fahm

lauh-e-dibacha-e-kitab-e-suKHan

hai suKHan jag manin adim-ul-misal

juz suKHan nin duja jawab-e-suKHan

ai 'wali' dard-e-sar kabhu na rahe

jab mile sandal-o-gulab-e-suKHan