dil hua viran mata-e-chashm-e-nam jati rahi

dil huā vīrāñ matā-e-chashm-e-nam jaatī rahī

rafta rafta shorish-e-tab-e-alam jaatī rahī

tujh pe kyā guzrī ki pās-e-āshiqāñ karne lagā

yā'nī ham par vo tirī mashq-e-sitam jaatī rahī

ham ko duniyā se shikāyat hai kuchh is andāz kī

thī kabhī duniyā ko jaise qadr-e-ġham jaatī rahī

mai-kada hai rind haiñ saaqī hai daur-e-jām hai

bazm-e-jam baaqī hai ab tak shān-e-jam jaatī rahī

rah gayā siine meñ ġham āsār-e-ġham zāhir nahīñ

ġhamgusāroñ se bhī ab chashm-e-karam jaatī rahī

jis ko kahte haiñ mohabbat ho ga.ī ab rasm-e-ġhair

jis ko kahte haiñ muravvat besh-o-kam jaatī rahī

dil hua viran mata-e-chashm-e-nam jati rahi

rafta rafta shorish-e-tab-e-alam jati rahi

tujh pe kya guzri ki pas-e-ashiqan karne laga

ya'ni hum par wo teri mashq-e-sitam jati rahi

hum ko duniya se shikayat hai kuchh is andaz ki

thi kabhi duniya ko jaise qadr-e-gham jati rahi

mai-kada hai rind hain saqi hai daur-e-jam hai

bazm-e-jam baqi hai ab tak shan-e-jam jati rahi

rah gaya sine mein gham aasar-e-gham zahir nahin

ghamgusaron se bhi ab chashm-e-karam jati rahi

jis ko kahte hain mohabbat ho gai ab rasm-e-ghair

jis ko kahte hain murawwat besh-o-kam jati rahi