dil ishq mein be-payan sauda ho to aisa ho

Ibn e Insha

dil ishq mein be-payan sauda ho to aisa ho

Ibn e Insha

MORE BYIbn e Insha

    dil ishq meñ be-pāyāñ saudā ho to aisā ho

    dariyā ho to aisā ho sahrā ho to aisā ho

    ik ḳhāl-e-suvaidā meñ pahnā.ī-e-do-ālam

    phailā ho to aisā ho simTā ho to aisā ho

    ai qais-e-junūñ-pesha 'inshā' ko kabhī dekhā

    vahshī ho to aisā ho rusvā ho to aisā ho

    dariyā ba-hubāb-andar tūfāñ ba-sahāb-andar

    mahshar ba-hijāb-andar honā ho to aisā ho

    ham se nahīñ rishta bhī ham se nahīñ miltā bhī

    hai paas vo baiThā bhī dhokā ho to aisā ho

    vo bhī rahā begāna ham ne bhī na pahchānā

    haañ ai dil-e-dīvāna apnā ho to aisā ho

    is dard meñ kyā kyā hai rusvā.ī bhī lazzat bhī

    kāñTā ho to aisā ho chubhtā ho to aisā ho

    ham ne yahī māñgā thā us ne yahī baḳhshā hai

    banda ho to aisā ho daatā ho to aisā ho

    dil ishq mein be-payan sauda ho to aisa ho

    dariya ho to aisa ho sahra ho to aisa ho

    ek KHal-e-suwaida mein pahnai-e-do-alam

    phaila ho to aisa ho simTa ho to aisa ho

    ai qais-e-junun-pesha 'insha' ko kabhi dekha

    wahshi ho to aisa ho ruswa ho to aisa ho

    dariya ba-hubab-andar tufan ba-sahab-andar

    mahshar ba-hijab-andar hona ho to aisa ho

    hum se nahin rishta bhi hum se nahin milta bhi

    hai pas wo baiTha bhi dhoka ho to aisa ho

    wo bhi raha begana hum ne bhi na pahchana

    han ai dil-e-diwana apna ho to aisa ho

    is dard mein kya kya hai ruswai bhi lazzat bhi

    kanTa ho to aisa ho chubhta ho to aisa ho

    hum ne yahi manga tha us ne yahi baKHsha hai

    banda ho to aisa ho data ho to aisa ho

    Videos
    This video is playing from YouTube

    Videos
    This video is playing from YouTube

    Abida Parveen

    Abida Parveen

    Source:

    • Book : Is Basti ke ik Kooche Men (Pg. 146)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY