aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil jahan se uThae baiThe hain

Qurban Ali Salik Beg

dil jahan se uThae baiThe hain

Qurban Ali Salik Beg

MORE BYQurban Ali Salik Beg

    dil jahāñ se uThā.e baiThe haiñ

    sab ko dekhe dikhā.e baiThe haiñ

    chāk-e-dāman ye kah rahā hai ki ham

    dil ke TukḌe uḌaa.e baiThe haiñ

    vo sar-e-bazm haal kyā pūchheñ

    mere matlab ko paa.e baiThe haiñ

    ab ajal kyuuñ ki aa.egī dekhūñ

    vo 'ayādat ko aa.e baiThe haiñ

    karte haiñ yuuñ du'ā ki ham goyā

    haath asar se uThā.e baiThe haiñ

    agar aate haiñ vo to aane do

    ham bhī āñkheñ bichhā.e baiThe haiñ

    us ke dil meñ asar kar ai girya

    ġhair kyā ghar banā.e baiThe haiñ

    us ke vā'de ko jānte haiñ ham

    shaam se zahr khaa.e baiThe haiñ

    dar se vahshat-zadoñ ko ḳhud na uThā

    ye koī ek jaa.e baiThe haiñ

    ab to lab tak bhī aa na ai naale

    ham tujhe āzmā.e baiThe haiñ

    tum bhī kar jaao pā.emāl ki ham

    naqsh-e-hastī miTā.e baiThe haiñ

    kis ko dekhā hai hazrat-e-'sālik'

    aaj kuchh muñh banā.e baiThe haiñ

    dil jahan se uThae baiThe hain

    sab ko dekhe dikhae baiThe hain

    chaak-e-daman ye kah raha hai ki hum

    dil ke TukDe uDae baiThe hain

    wo sar-e-bazm haal kya puchhen

    mere matlab ko pae baiThe hain

    ab ajal kyun ki aaegi dekhun

    wo 'ayaadat ko aae baiThe hain

    karte hain yun du'a ki hum goya

    hath asar se uThae baiThe hain

    agar aate hain wo to aane do

    hum bhi aankhen bichhae baiThe hain

    us ke dil mein asar kar ai girya

    ghair kya ghar banae baiThe hain

    us ke wa'de ko jaante hain hum

    sham se zahr khae baiThe hain

    dar se wahshat-zadon ko KHud na uTha

    ye koi ek jae baiThe hain

    ab to lab tak bhi aa na ai nale

    hum tujhe aazmae baiThe hain

    tum bhi kar jao paemal ki hum

    naqsh-e-hasti miTae baiThe hain

    kis ko dekha hai hazrat-e-'salik'

    aaj kuchh munh banae baiThe hain

    Source:

    Kulliyat-e-Saalik (Pg. e-318 p-286)

    • Author: Qurban Ali Salik Beg
      • Edition: 1966
      • Publisher: Syed Imtiyaz Ali Taj, Majlis-e-Taraqqi-e-Adab, Lahore
      • Year of Publication: 1966
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now