dil jalane se kahan dur andhera hoga

Gopal Mittal

dil jalane se kahan dur andhera hoga

Gopal Mittal

MORE BYGopal Mittal

    dil jalāne se kahāñ duur añdherā hogā

    raat ye vo hai ki mushkil se saverā hogā

    kyuuñ na ab vaz-e-junūñ tark kareñ lauT chaleñ

    us se aage jo hai jañgal vo ghanerā hogā

    ye zarūrī to nahīñ itnā bhī ḳhush-fahm na ban

    vo zamāna jo na merā hai na terā hogā

    itnā bhī sañg-e-malāmat se Darā mat nāseh

    sar salāmat hai to is shahr pherā hogā

    ḳhidmat-e-rāj-mahal par unheñ dekhā māmūr

    jo ye kahte the ki sardār baserā hogā

    rāh-e-pur-pech ko sahl itnā batāne vaalā

    rāhbar ho nahīñ saktā hai luTerā hogā

    vo bhī insān hai ai dil use ilzām na de

    jaane us ko bhī kin āfāt ne gherā hogā

    dil jalane se kahan dur andhera hoga

    raat ye wo hai ki mushkil se sawera hoga

    kyun na ab waz-e-junun tark karen lauT chalen

    us se aage jo hai jangal wo ghanera hoga

    ye zaruri to nahin itna bhi KHush-fahm na ban

    wo zamana jo na mera hai na tera hoga

    itna bhi sang-e-malamat se Dara mat naseh

    sar salamat hai to is shahr ka phera hoga

    KHidmat-e-raj-mahal par unhen dekha mamur

    jo ye kahte the ki sardar basera hoga

    rah-e-pur-pech ko sahl itna batane wala

    rahbar ho nahin sakta hai luTera hoga

    wo bhi insan hai ai dil use ilzam na de

    jaane us ko bhi kin aafat ne ghera hoga

    Source :
    • Book : Mujalla Dastavez (Pg. 191)
    • Author : Aziz Nabeel
    • Publication : Edarah Dastavez (2013-14)
    • Edition : 2013-14
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY