Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil jinko DhunDhta hai na-jaane kahan gae

Ambareen Haseeb ambar

dil jinko DhunDhta hai na-jaane kahan gae

Ambareen Haseeb ambar

MORE BYAmbareen Haseeb ambar

    dil jin ko DhūñDhtā hai na-jāne kahāñ ga.e

    ḳhvāb-o-ḳhayāl se vo zamāne kahāñ ga.e

    mānūs bām-o-dar se nazar pūchhtī rahī

    un meñ base vo log purāne kahāñ ga.e

    us sarzamīñ se thī jo mohabbat vo kyā huī

    bachchoñ ke lab pe the jo tarāne kahāñ ga.e

    apnī ḳhatā pe sar ko jhukāyā hai aaj kyuuñ

    azbar jo aap ko the bahāne kahāñ ga.e

    patthar samā.atoñ se zabāñ guñg ho ga.ī

    ham bhī ga.e to haal sunāne kahāñ ga.e

    be-mahrī-e-yahāt tujhe kuchh ḳhabar bhī hai

    dekhe ga.e jo ḳhvāb suhāne kahāñ ga.e

    bachpan saheliyāñ vo hama-vaqt hañsī

    'amabar' vo zindagī ke ḳhazāne kahāñ ga.e

    dil jin ko DhunDhta hai na-jaane kahan gae

    KHwab-o-KHayal se wo zamane kahan gae

    manus baam-o-dar se nazar puchhti rahi

    un mein base wo log purane kahan gae

    us sarzamin se thi jo mohabbat wo kya hui

    bachchon ke lab pe the jo tarane kahan gae

    apni KHata pe sar ko jhukaya hai aaj kyun

    azbar jo aap ko the bahane kahan gae

    patthar samaaton se zaban gung ho gai

    hum bhi gae to haal sunane kahan gae

    be-mahri-e-yahat tujhe kuchh KHabar bhi hai

    dekhe gae jo KHwab suhane kahan gae

    bachpan saheliyan wo hama-waqt ki hansi

    'amabar' wo zindagi ke KHazane kahan gae

    Source :
    • Book : Dil Kay Ufuq Par (Pg. 183)
    • Author : Ambareen Haseeb Amber
    • Publication : Kitab Market ,Office 17 Urdu Bazar, Karachi, Pakistan (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now