dil jo hansta hai to rone ka guman hota hai

dil jo hañstā hai to rone kā gumāñ hotā hai

ḳhud ko pā kar use khone kā gumāñ hotā hai

din ko jab ghar se nikaltā huuñ to aksar mujh ko

saa.e ke bojh ko Dhone kā gumāñ hotā hai

jab bhī aatī hai mire sahn meñ ḳhushbū-e-gul

tere ghar ke kisī kone kā gumāñ hotā hai

oḌh letā huuñ sharāroñ kī ridā.eñ jab meñ

reg-e-sahrā pe bichhaune kā gumāñ hotā hai

narm hote hī badal jaatī hai sūrat merī

yak-ba-yak chaak pe hone kā gumāñ hotā hai

ek hī ashk muqaddar se milā hai phir bhī

har kisī daaġh ko dhone kā gumāñ hotā hai

hech thī merī nigāhoñ meñ haqīqat lekin

ab to miTTī pe bhī sone kā gumāñ hotā hai

TūTne aur bikharne meñ lagā huuñ jab se

mujh ko apne pe khilaune kā gumāñ hotā hai

paar kartā huuñ samundar pe samundar 'rāhat'

phir bhī ḳhud ko hī Dubone kā gumāñ hotā hai

dil jo hansta hai to rone ka guman hota hai

KHud ko pa kar use khone ka guman hota hai

din ko jab ghar se nikalta hun to aksar mujh ko

sae ke bojh ko Dhone ka guman hota hai

jab bhi aati hai mere sahn mein KHushbu-e-gul

tere ghar ke kisi kone ka guman hota hai

oDh leta hun shararon ki ridaen jab mein

reg-e-sahra pe bichhaune ka guman hota hai

narm hote hi badal jati hai surat meri

yak-ba-yak chaak pe hone ka guman hota hai

ek hi ashk muqaddar se mila hai phir bhi

har kisi dagh ko dhone ka guman hota hai

hech thi meri nigahon mein haqiqat lekin

ab to miTTi pe bhi sone ka guman hota hai

TuTne aur bikharne mein laga hun jab se

mujh ko apne pe khilaune ka guman hota hai

par karta hun samundar pe samundar 'rahat'

phir bhi KHud ko hi Dubone ka guman hota hai