dil jo murda ho to ye rashk-e-jinan kuchh bhi nahin

dil jo murda ho to ye rashk-e-jināñ kuchh bhī nahīñ

laala ho sabza ho yā āb-e-ravāñ kuchh bhī nahīñ

ye dahakte hue ġhunche ye sulagte hue dil

har taraf soz-e-darūñ harf-e-zabāñ kuchh bhī nahīñ

pyāre dāman se judā ho ga.e maiñ ne dekhā

hasrateñ bolīñ miyāñ umr-e-ravāñ kuchh bhī nahīñ

lafz-o-ma.anī meñ jo rishta hai vo buniyādī hai

sirf alfāz kā ik sail-e-ravāñ kuchh bhī nahīñ

karda-nā-karda gunāhoñ meñ kaTī umr-e-azīz

log kahte haiñ ziyāñ varna ziyāñ kuchh bhī nahīñ

bārish-e-sañg ho shīshe kī kamīñ-gāhoñ se

kaise farzāne ho shīshe kā makāñ kuchh bhī nahīñ

ḳhvāb se ḳhvāb meñ ik umr giraftār rahā

ab khalā ḳhvāb ba-juz vahm-o-gumāñ kuchh bhī nahīñ

dil jo murda ho to ye rashk-e-jinan kuchh bhi nahin

lala ho sabza ho ya aab-e-rawan kuchh bhi nahin

ye dahakte hue ghunche ye sulagte hue dil

har taraf soz-e-darun harf-e-zaban kuchh bhi nahin

pyare daman se juda ho gae main ne dekha

hasraten bolin miyan umr-e-rawan kuchh bhi nahin

lafz-o-mani mein jo rishta hai wo buniyaadi hai

sirf alfaz ka ek sail-e-rawan kuchh bhi nahin

karda-na-karda gunahon mein kaTi umr-e-aziz

log kahte hain ziyan warna ziyan kuchh bhi nahin

barish-e-sang ho shishe ki kamin-gahon se

kaise farzane ho shishe ka makan kuchh bhi nahin

KHwab se KHwab mein ek umr giraftar raha

ab khala KHwab ba-juz wahm-o-guman kuchh bhi nahin