dil ka ajib haal hai teri sada ke baad
dil kā ajiib haal hai terī sadā ke ba.ad
jaise ki āsmān kā manzar ghaTā ke ba.ad
kyā kyā nuqūsh ham ne ubhāre the ret par
baaqī rahā na koī bhī vahshī havā ke ba.ad
bikhrī huī thiiñ chār-sū phūloñ kī pattiyāñ
gulshan sañvar sañvar gayā bād-e-sadā ke ba.ad
ab tak fazā meñ gūñjtī hai ek naġhmagī
saarā jahāñ hī raqs meñ hai is sadā ke ba.ad
ab tak jalā rahī hai hameñ tohmatoñ kī dhuup
ham to ujaaḌ ho ga.e fasl-e-vafā ke ba.ad
yādeñ khule kivāḌ ye mahkī huī fazā
kaun aa rahā hai shaam ye ThanDī havā ke ba.ad
dil ka ajib haal hai teri sada ke baad
jaise ki aasman ka manzar ghaTa ke baad
kya kya nuqush hum ne ubhaare the ret par
baqi raha na koi bhi wahshi hawa ke baad
bikhri hui thin chaar-su phulon ki pattiyan
gulshan sanwar sanwar gaya baad-e-sada ke baad
ab tak faza mein gunjti hai ek naghmagi
sara jahan hi raqs mein hai is sada ke baad
ab tak jala rahi hai hamein tohmaton ki dhup
hum to ujaD ho gae fasl-e-wafa ke baad
yaaden khule kiwaD ye mahki hui faza
kaun aa raha hai sham ye ThanDi hawa ke baad
Source:
chera chera mery kahani (Pg. 37)
- Author: mahmood shaam
-
- Edition: 2005
- Publisher: welcom book port,main urdu bazar karachi
- Year of Publication: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
