dil ke aaghosh mein wo rahat-e-jaan rahta hai

dil ke āġhosh meñ vo rāhat-e-jāñ rahtā hai

banda ḳhānī meñ ḳhudā-vand-e-jahāñ rahtā hai

ishq ke aate hī sab jaate rahe hosh-o-havās

jānvar rahte nahīñ sher jahāñ rahtā hai

ek aqlīm meñ do shaah nahīñ rah sakte

ishq jab aayā lo ārām kahāñ rahtā hai

DhūñDhiye dil ko to kahte haiñ vo ye sīna-sipar

ik mire ḳhāna-e-zanjīr meñ yahāñ rahtā hai

guzre ai paik-e-sabā to ye duā kah denā

kūcha-e-zulf meñ dil nām-e-javāñ rahtā hai

dil ke aaghosh mein wo rahat-e-jaan rahta hai

banda KHani mein KHuda-wand-e-jahan rahta hai

ishq ke aate hi sab jate rahe hosh-o-hawas

jaanwar rahte nahin sher jahan rahta hai

ek aqlim mein do shah nahin rah sakte

ishq jab aaya lo aaram kahan rahta hai

DhunDhiye dil ko to kahte hain wo ye sina-sipar

ek mere KHana-e-zanjir mein yahan rahta hai

guzre ai paik-e-saba to ye dua kah dena

kucha-e-zulf mein dil nam-e-jawan rahta hai