dil ke arman dil ko chhoD gae

dil ke armān dil ko chhoḌ ga.e

aah muñh is jahāñ se moḌ ga.e

vo umañgeñ nahīñ tabī.at meñ

kyā kaheñ jī ko sadme toḌ ga.e

bāda-e-bās ke musalsal daur

sāġhar-e-ārzū ko phoḌ ga.e

miT ga.e vo nazzāra-hā-e-jamīl

lekin āñkhoñ meñ aks chhoḌ ga.e

ham the ishrat kī gahrī nīndeñ thiiñ

aa.e ālām aur jhiñjhoḌ ga.e

dil ke arman dil ko chhoD gae

aah munh is jahan se moD gae

wo umangen nahin tabiat mein

kya kahen ji ko sadme toD gae

baada-e-bas ke musalsal daur

saghar-e-arzu ko phoD gae

miT gae wo nazzara-ha-e-jamil

lekin aankhon mein aks chhoD gae

hum the ishrat ki gahri ninden thin

aae aalam aur jhinjhoD gae