dil ke har zarre mein paida qais ki duniya karen

dil ke har zarre meñ paidā qais kī duniyā kareñ

aao dāmān-e-nazar ko aaj ham lailā kareñ

terī shoḳhī aur mere dil kī betābi ko dekh

kar diyā rāz-e-junūñ ifshā batā ham kyā kareñ

aañkh meñ tasvīr terī dil meñ terī yaad hai

aur ham duniyā meñ rah kar tū hī kah de kyā kareñ

phir mire dil meñ chaleñ aa.eñ vo be-parda kabhī

phir mire jazbāt meñ vo hashr sā barpā kareñ

hai jo dāmān-e-mizha meñ ek qatra ashk kā

jī meñ aatā hai ki is qatre ko ab dariyā kareñ

sard paḌ jaa.e na 'fāzil' garmī-e-bāzār-e-husn

aao chaḌh kar daar par phir ik hashr sā barpā kareñ

dil ke har zarre mein paida qais ki duniya karen

aao daman-e-nazar ko aaj hum laila karen

teri shoKHi aur mere dil ki betabi ko dekh

kar diya raaz-e-junun ifsha bata hum kya karen

aankh mein taswir teri dil mein teri yaad hai

aur hum duniya mein rah kar tu hi kah de kya karen

phir mere dil mein chalen aaen wo be-parda kabhi

phir mere jazbaat mein wo hashr sa barpa karen

hai jo daman-e-mizha mein ek qatra ashk ka

ji mein aata hai ki is qatre ko ab dariya karen

sard paD jae na 'fazil' garmi-e-bazar-e-husn

aao chaDh kar dar par phir ek hashr sa barpa karen