aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil ke taron ko hila deti hai aawaz teri

Zulfiqar Ahsan

dil ke taron ko hila deti hai aawaz teri

Zulfiqar Ahsan

MORE BYZulfiqar Ahsan

    dil ke tāroñ ko hilā detī hai āvāz tirī

    ik nayā dard jagā detī hai āvāz tirī

    ek tālāb huuñ aisā ki jahāñ yādeñ haiñ

    is meñ kankar girā detī hai āvāz tirī

    hai dariyā to kahīñ duur chalā mujh se

    tishnagī aur baḌhā detī hai āvāz tirī

    maiñ to āvāz meñ hotā huuñ ma.ānī tarah

    aur āvāz lagā detī hai āvāz tirī

    phir lapak aur bhī baḌh jaatī hai us ke kāran

    sho.ala-e-jāñ ko havā detī hai āvāz tirī

    barsoñ pahle bhī sunī thī yahī āvāz kahīñ

    fāsloñ ko to miTā detī hai āvāz tirī

    dast-gīrī bhī to kartī hai hamesha merī

    girne lagtā huuñ uThā detī hai āvāz tirī

    TūTne lagtā hai andar se kahīñ 'ahsan' bhī

    ek halchal machā detī hai āvāz tirī

    dil ke taron ko hila deti hai aawaz teri

    ek naya dard jaga deti hai aawaz teri

    ek talab hun aisa ki jahan yaaden hain

    is mein kankar sa gira deti hai aawaz teri

    tu hai dariya to kahin dur chala ja mujh se

    tishnagi aur baDha deti hai aawaz teri

    main to aawaz mein hota hun maani ki tarah

    aur aawaz laga deti hai aawaz teri

    phir lapak aur bhi baDh jati hai us ke karan

    shoala-e-jaan ko hawa deti hai aawaz teri

    barson pahle bhi suni thi yahi aawaz kahin

    faslon ko to miTa deti hai aawaz teri

    dast-giri bhi to karti hai hamesha meri

    girne lagta hun uTha deti hai aawaz teri

    TuTne lagta hai andar se kahin 'ahsan' bhi

    ek halchal si macha deti hai aawaz teri

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now