aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil KHush na hua zulf-e-pareshan se nikal kar

Mushafi Ghulam Hamdani

dil KHush na hua zulf-e-pareshan se nikal kar

Mushafi Ghulam Hamdani

MORE BYMushafi Ghulam Hamdani

    dil ḳhush na huā zulf-e-pareshāñ se nikal kar

    pachhtā.e ham is shām-e-ġharībāñ se nikal kar

    ye us se ziyāñ-kār to vo is se bad aa.eñ

    jā.ūñ maiñ kahāñ gabr o musalmāñ se nikal kar

    ustād koī zor milā qais ko shāyad

    raah jo jangal dabistāñ se nikal kar

    mā'lūm nahīñ mujh ko ki jāvegā kidhar ko

    yuuñ siina tirā chāk-e-garebāñ se nikal kar

    guzrā rag-e-gardan se ki juuñ sham' sar apnā

    talvār khātā hai garebāñ se nikal kar

    nā-zorī meñ aayā na kabhū tā-sar-e-mizhgāñ

    yak qatra-e-ḳhūñ bhī bun-e-mizhgāñ se nikal kar

    tīroñ meñ kamāñ-dār mirā gher le jis ko

    vo jaane na paave kabhī maidāñ se nikal kar

    ham aap fanā ho ga.e ai hasti-e-mauhūm

    juuñ mauj-e-tabassum lab-e-jānāñ se nikal kar

    sūrat ke tirī sāmne rah jaa.e hai kaise

    har but nigah dīda-e-hairāñ se nikal kar

    us dast-e-hinā.ī meñ rahā ā.īna aksar

    dariyā na gayā panja-e-marjāñ se nikal kar

    ab paḌh vo ġhazal 'mus.hafī' shusta o rafta

    sunñe jise ḳhalq aa.e safāhāñ se nikal kar

    dil KHush na hua zulf-e-pareshan se nikal kar

    pachhtae hum is sham-e-ghariban se nikal kar

    ye us se ziyan-kar to wo is se bad aaen

    jaun main kahan gabr o musalman se nikal kar

    ustad koi zor mila qais ko shayad

    li rah jo jangal ki dabistan se nikal kar

    ma'lum nahin mujh ko ki jawega kidhar ko

    yun sina tera chaak-e-gareban se nikal kar

    guzra rag-e-gardan se ki jun sham' sar apna

    talwar hi khata hai gareban se nikal kar

    na-zori mein aaya na kabhu ta-sar-e-mizhgan

    yak qatra-e-KHun bhi bun-e-mizhgan se nikal kar

    tiron mein kaman-dar mera gher le jis ko

    wo jaane na pawe kabhi maidan se nikal kar

    hum aap fana ho gae ai hasti-e-mauhum

    jun mauj-e-tabassum lab-e-jaanan se nikal kar

    surat ke teri samne rah jae hai kaise

    har but ki nigah dida-e-hairan se nikal kar

    us dast-e-hinai mein raha aaina aksar

    dariya na gaya panja-e-marjaan se nikal kar

    ab paDh wo ghazal 'mushafi' tu shusta o rafta

    sunne jise KHalq aae safahan se nikal kar

    Source:

    kulliyat-e-mas.hafii(shashum) (Pg. 141)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now