dil KHun hai dil ka haal raqam ho to kis tarah
Interesting Fact
Qalmi Aks 1958
dil ḳhuuñ hai dil kā haal raqam ho to kis tarah
dil se qalam kā fāsla kam ho to kis tarah
dil hai kahīñ dimāġh kahīñ aur ham kahīñ
shīrāza-e-hayāt baham ho to kis tarah
kyuuñ kaheñ ki dard nahīñ hāsil-e-hayāt
pesh-e-nazar jo hai vo adam ho to kis tarah
dil se zabāñ zabāñ se chhanī tāqat-e-suḳhan
maa.il idhar mizāj-e-sanam ho to kis tarah
dilkash bahut hai tark-e-ta.alluq kā mashvara
ḳhud par magar ye turfa-sitam ho to kis tarah
maiñ aur mere gard ye tanhā.ī-e-saqar
ai dil ilāj-e-soz-e-alam ho to kis tarah
kyuuñ zid hai shahr-e-yār ko ai 'arsh' is qadar
ye sar ki vaqf-e-dār hai ḳham ho to kis tarah
dil KHun hai dil ka haal raqam ho to kis tarah
dil se qalam ka fasla kam ho to kis tarah
dil hai kahin dimagh kahin aur hum kahin
shiraaza-e-hayat baham ho to kis tarah
kyun kahen ki dard nahin hasil-e-hayat
pesh-e-nazar jo hai wo adam ho to kis tarah
dil se zaban zaban se chhani taqat-e-suKHan
mail idhar mizaj-e-sanam ho to kis tarah
dilkash bahut hai tark-e-talluq ka mashwara
KHud par magar ye turfa-sitam ho to kis tarah
main aur mere gard ye tanhai-e-saqar
ai dil ilaj-e-soz-e-alam ho to kis tarah
kyun zid hai shahr-e-yar ko ai 'arsh' is qadar
ye sar ki waqf-e-dar hai KHam ho to kis tarah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
