dil ki baaten kisi hasin se kahen

dil kī bāteñ kisī hasīñ se kaheñ

par kaheñ bhī to kis yaqīñ se kaheñ

barf sī jam rahī hai hoñToñ par

kis ke ruḳhsār-e-ātishīñ se kaheñ

har jagah hai to is fasāne meñ

to jahāñ se kahe vahīñ se kaheñ

ham to samjhā ke haar baiThe haiñ

aap hī kuchh dil-e-hazīñ se kaheñ

āñso.oñ kī kahāniyāñ ai 'tāj'

kab tak apnī hī āstīñ se kaheñ

dil ki baaten kisi hasin se kahen

par kahen bhi to kis yaqin se kahen

barf si jam rahi hai honTon par

kis ke ruKHsar-e-atishin se kahen

har jagah hai to is fasane mein

to jahan se kahe wahin se kahen

hum to samjha ke haar baiThe hain

aap hi kuchh dil-e-hazin se kahen

aansoon ki kahaniyan ai 'taj'

kab tak apni hi aastin se kahen