dil ki dahliz pe dilbar aaya

dil kī dahlīz pe dilbar aayā

pyaas ke dar pe samundar aayā

chalte chalte tirī ḳhushbū aa.ī

maiñ ye samjhā ki tirā ghar aayā

dhuup meñ chhāñv numūdār huī

kaun āḳhir sar-e-mahshar aayā

asl meñ thī vo havā.ī aahaT

maiñ baḌī tezī se bāhar aayā

thiiñ ḳhatā.eñ to sarāsar dil kī

zad meñ aayā to mirā sar aayā

chhūT kar tujh se kahīñ jā na milī

lauT kar phir tire dar par aayā

us ko lauTā diye sab us ke ḳhutūt

haa.e nādān ye kyā kar aayā

yaar aayā ki na aayā 'atīb'

nāma-e-yār barābar aayā

dil ki dahliz pe dilbar aaya

pyas ke dar pe samundar aaya

chalte chalte teri KHushbu aai

main ye samjha ki tera ghar aaya

dhup mein chhanw numudar hui

kaun aaKHir sar-e-mahshar aaya

asl mein thi wo hawai aahaT

main baDi tezi se bahar aaya

thin KHataen to sarasar dil ki

zad mein aaya to mera sar aaya

chhuT kar tujh se kahin ja na mili

lauT kar phir tere dar par aaya

us ko lauTa diye sab us ke KHutut

hae nadan ye kya kar aaya

yar aaya ki na aaya 'atib'

nama-e-yar barabar aaya