dil ki dhaDkan bhi jo sun lo tum meri aawaz mein

dil kī dhaḌkan bhī jo sun lo tum mirī āvāz meñ

tab tumheñ ehsās hogā dard hai is saaz meñ

be-vaj.h thak kar nahīñ baiThe haiñ kuchh taa.ir yahāñ

lag gayā hai koī grahan un kī bhī parvāz meñ

is jahāñ kī bazm se vo shaḳhs pyāsā jā.egā

fikr hai anjām kī bas jis ko har āġhāz meñ

raaz thā jo khul gayā vo ik ishāre par yahāñ

kyā kashish baaqī rahī yāroñ mire hamrāz meñ

be-sabab kahtā nahīñ koī ġhazal shā.ir yahāñ

koī ḳhvāhish to chhupī hai us ke is andāz meñ

bartarī kā is qadar 'shamshād' jin ko ho bharam

kamtarī ko pāoge tum un ke har andāz meñ

dil ki dhaDkan bhi jo sun lo tum meri aawaz mein

tab tumhein ehsas hoga dard hai is saz mein

be-wajh thak kar nahin baiThe hain kuchh tair yahan

lag gaya hai koi grahan un ki bhi parwaz mein

is jahan ki bazm se wo shaKHs pyasa jaega

fikr hai anjam ki bas jis ko har aaghaz mein

raaz tha jo khul gaya wo ek ishaare par yahan

kya kashish baqi rahi yaron mere hamraaz mein

be-sabab kahta nahin koi ghazal shair yahan

koi KHwahish to chhupi hai us ke is andaz mein

bartari ka is qadar 'shamshad' jin ko ho bharam

kamtari ko paoge tum un ke har andaz mein