dil ki rahon se dabe panw guzarne wala

dil kī rāhoñ se dabe paañv guzarne vaalā

chhoḌ jā.egā koī zaḳhm na bharne vaalā

ab vo sahrā-e-junūñ ḳhaak uḌāne se rahā

ab vo dariyā-e-mohabbat nahīñ bharne vaalā

zabt-e-ġham kar liyā ye bhī to na sochā maiñ ne

ek nashtar sā hai ab dil meñ utarne vaalā

Duub kar paar utarnā hai chaḌhe dariyā se

ek dariyā hī to hai vaqt guzarne vaalā

jaane ab kaun sī manzil meñ hai insāñ kā safar

ye janam lene lagā hai ki hai marne vaalā

be-sabab to nahīñ sahme hue zarroñ kā sukūt

'kaif' ye ḳhaak kā tuuda hai bikharne vaalā

dil ki rahon se dabe panw guzarne wala

chhoD jaega koi zaKHm na bharne wala

ab wo sahra-e-junun KHak uDane se raha

ab wo dariya-e-mohabbat nahin bharne wala

zabt-e-gham kar liya ye bhi to na socha main ne

ek nashtar sa hai ab dil mein utarne wala

Dub kar par utarna hai chaDhe dariya se

ek dariya hi to hai waqt guzarne wala

jaane ab kaun si manzil mein hai insan ka safar

ye janam lene laga hai ki hai marne wala

be-sabab to nahin sahme hue zarron ka sukut

'kaif' ye KHak ka tuda hai bikharne wala