aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil kis se lagaun kahin dilbar nahin milta

Rind Lakhnavi

dil kis se lagaun kahin dilbar nahin milta

Rind Lakhnavi

MORE BYRind Lakhnavi

    dil kis se lagā.ūñ kahīñ dilbar nahīñ miltā

    kyā zulm sahūñ koī sitamgar nahīñ miltā

    ḳhat le ke gayā jo vo kabūtar nahīñ miltā

    kyā zikr kabūtar hai ik par nahīñ miltā

    zulfoñ tarah 'umr basar ho ga.ī apnī

    ham ḳhāna-ba-doshoñ ko kahīñ ghar nahīñ miltā

    kyā ḳhaak mudāvā kareñ shorīda-sarī

    sar phoḌne ko DhūñDheñ to patthar nahīñ miltā

    gunjlak nahīñ miTtī jo tabī'at meñ paḌī hai

    dil tujh se kisī taur se dilbar nahīñ miltā

    kyā kījiye tārīf binā gosh us ke

    āveze ko jis kaan ke gauhar nahīñ miltā

    gum jab se huā huuñ maiñ tirī rāh-e-talab meñ

    jab DhūñDhtā huuñ aap ko aksar nahīñ miltā

    kuchh tālib-e-zar but nahīñ ġhaur se dekho

    haq yuuñ hai ki allāh bhī be-zar nahīñ miltā

    sūrat nahīñ miltī tirī sūrat se kisī

    gahne se kisī ke tirā zevar nahīñ miltā

    ārā.isheñ mauqūf huiiñ kis liye ai jaan

    gauhar nahīñ miltā hai ki zar-gar nahīñ miltā

    abrū mohabbat meñ kise ziist hai manzūr

    mar jā.ūñ galā kaaT ke ḳhanjar nahīñ miltā

    rindān-e-mai-āshām nahīñ jaam ke pāband

    ham ok se piite haiñ jo sāġhar nahīñ miltā

    vahshat meñ nikal jā.ūñ maiñ sarhad se zamīñ

    is gumbad-e-gardāñ vale dar nahīñ miltā

    o barq-e-tajallī tire kushte lahad par

    kyā lauh bane tuur patthar nahīñ miltā

    hāzir huuñ mujhe basta-e-fitrāk-e-faras kar

    gar said koī turk-e-sitamgar nahīñ miltā

    āshiq se na khīñch aap ko ai bādshah-e-husn

    darvesh se kyā jhuk ke tavañgar nahīñ miltā

    jo zaḳhm ko siine ke siye Tāñke jigar ko

    aisā koī ustād rafūgar nahīñ miltā

    ai 'rind' labālab ho jo irfān mai se

    sāġhar vo ba-juz sāqī-e-kausar nahīñ miltā

    dil kis se lagaun kahin dilbar nahin milta

    kya zulm sahun koi sitamgar nahin milta

    KHat le ke gaya jo wo kabutar nahin milta

    kya zikr kabutar ka hai ek par nahin milta

    zulfon ki tarah 'umr basar ho gai apni

    hum KHana-ba-doshon ko kahin ghar nahin milta

    kya KHak mudawa karen shorida-sari ka

    sar phoDne ko DhunDhen to patthar nahin milta

    gunjlak nahin miTti jo tabi'at mein paDi hai

    dil tujh se kisi taur se dilbar nahin milta

    kya kijiye tarif bina gosh ki us ke

    aaweze ko jis kan ke gauhar nahin milta

    gum jab se hua hun main teri rah-e-talab mein

    jab DhunDhta hun aap ko aksar nahin milta

    kuchh talib-e-zar but hi nahin ghaur se dekho

    haq yun hai ki allah bhi be-zar nahin milta

    surat nahin milti teri surat se kisi ki

    gahne se kisi ke tera zewar nahin milta

    aaraishen mauquf huin kis liye ai jaan

    gauhar nahin milta hai ki zar-gar nahin milta

    abru ki mohabbat mein kise zist hai manzur

    mar jaun gala kaT ke KHanjar nahin milta

    rindan-e-mai-asham nahin jam ke paband

    hum ok se pite hain jo saghar nahin milta

    wahshat mein nikal jaun main sarhad se zamin ki

    is gumbad-e-gardan ka wale dar nahin milta

    o barq-e-tajalli tere kushte ki lahad par

    kya lauh bane tur ka patthar nahin milta

    hazir hun mujhe basta-e-fitrak-e-faras kar

    gar said koi turk-e-sitamgar nahin milta

    aashiq se na khinch aap ko ai baadshah-e-husn

    darwesh se kya jhuk ke tawangar nahin milta

    jo zaKHm ko sine ke siye Tanke jigar ko

    aisa koi ustad rafugar nahin milta

    ai 'rind' labaalab ho jo irfan ki mai se

    saghar wo ba-juz saqi-e-kausar nahin milta

    Source:

    Deewan-e-Rind(Guldast-e-ishq) (Rekhta Website) (Pg. 248)

    • Author: Rind Lakhnavi
      • Edition: 1931
      • Publisher: Munshi Nawal Kishor, Lucknow
      • Year of Publication: 1930
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now