dil ko ba-nam-e-ishq sajaana paDa hamein

dil ko ba-nām-e-ishq sajānā paḌā hameñ

phir ik fareb dil meñ basānā paḌā hameñ

ye kis kā haal kis ko sunānā paḌā hameñ

aur dil kā haal dil se chhupānā paḌā hameñ

jal kar bhī tere naam kī ḳhushbū bikher de

phūloñ meñ aisī aag lagānā paḌā hameñ

dāman ye ḳhaar se nahīñ phūloñ se taar hai

jaane ye kaisā qarz chukānā paḌā hameñ

jab se ḳhushī salīb-e-mohabbat pe chaḌh ga.ī

hañsnā bhī ab udhār meñ laanā paḌā hameñ

khulte haiñ roz kyā ye mohabbat ke mai-kade

ye aazmā ke dekhne jaanā paḌā hameñ

ik aarzū ke vāste kyā kyā nahīñ kiyā

'ahmad' 'nisār' dil ko jalānā paḌā hameñ

dil ko ba-nam-e-ishq sajaana paDa hamein

phir ek fareb dil mein basana paDa hamein

ye kis ka haal kis ko sunana paDa hamein

aur dil ka haal dil se chhupana paDa hamein

jal kar bhi tere nam ki KHushbu bikher de

phulon mein aisi aag lagana paDa hamein

daman ye KHar se nahin phulon se tar hai

jaane ye kaisa qarz chukana paDa hamein

jab se KHushi salib-e-mohabbat pe chaDh gai

hansna bhi ab udhaar mein lana paDa hamein

khulte hain roz kya ye mohabbat ke mai-kade

ye aazma ke dekhne jaana paDa hamein

ek aarzu ke waste kya kya nahin kiya

'ahmad' 'nisar' dil ko jalana paDa hamein