dil ko halak-e-jalwa-e-jaanan banaiye

Mohammad Ali Jauhar

dil ko halak-e-jalwa-e-jaanan banaiye

Mohammad Ali Jauhar

MORE BY Mohammad Ali Jauhar

    dil ko halāk-e-jalva-e-jānāñ banā.iye

    is but-kade ko kāba-e-īmāñ banā.iye

    tūfān ban ke uThiye jahān-e-ḳharāb meñ

    hastī ko ik sharāra-e-raqsāñ banā.iye

    dauḌā.iye vo ruuh ki har zarra jaag uThe

    ujḌe hue vatan ko gulistāñ banā.iye

    phir dījiye nigāh ko paiġhām-e-justujū

    manzil se kyuuñ nazar ko gurezāñ banā.iye

    āḳhir to ḳhatm hoñgī kahīñ qaid hadeñ

    yūsuf ko aap raunaq-e-zindāñ banā.iye

    phir apne dil meñ kījiye paidā koī taḌap

    phir mushkil-e-hayāt ko āsāñ banā.iye

    'jauhar' asīrīyoñ koī intihā bhī hai

    āzād ik nizām-e-pareshāñ banā.iye

    dil ko halak-e-jalwa-e-jaanan banaiye

    is but-kade ko kaba-e-iman banaiye

    tufan ban ke uThiye jahan-e-KHarab mein

    hasti ko ek sharara-e-raqsan banaiye

    dauDaiye wo ruh ki har zarra jag uThe

    ujDe hue watan ko gulistan banaiye

    phir dijiye nigah ko paigham-e-justuju

    manzil se kyun nazar ko gurezan banaiye

    aaKHir to KHatm hongi kahin qaid ki haden

    yusuf ko aap raunaq-e-zindan banaiye

    phir apne dil mein kijiye paida koi taDap

    phir mushkil-e-hayat ko aasan banaiye

    'jauhar' asiriyon ki koi intiha bhi hai

    aazad ek nizam-e-pareshan banaiye

    Source:

    • Book : Karwaan-e-Ghazal (Pg. 55)
    • Author : Farooq Argali
    • Publication : Farid Book Depot (Pvt.) Ltd (2004)
    • Edition : 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY